მწარეს ბლოგი

chez moi

End of the year!

on დეკემბერი 29, 2009

დასაწყისისთვის, ის, რაც ყველამ უნდა ნახოთ! ქართველო ბლოგერების საახალწლო მილოცვა! უბრალოდ არაჩვეულებრივია! მადლობა სვითის!

ახლა კი გავაგრძელოთ! ვინაიდან ეს წელი, პრაქტიკულად, მიიწურა და არც მომდევნო ორი დღისაგან ველი რამე განსაკუთრებულს, შემაჯამებელ პოსტს დავწერ, მით უფრო, რომ 31-ში ამის საშუალება არ მექნება, ინტერნეტს მოწყვეტილი ვიქნები!

მდა, შეიძლება ითქვას, რომ ერთ-ერთი ყველაზე რთული პერიოდი იყო ჩემს ცხოვრებაში. ფაქტიურად მთელი წელი საკუთარი ჯანმრთელობის აღდგენას დავუთმე და ჯერ კიდევ ვაგრძელებ მკურნალობას.  პლუს კატასტროფულად მომატებული კილოგრამები, რომლებსაც ასევე ვებრძვი და არც თუ დიდი წარმატებით! ყველაფერმა ამან ჩემს განწყობაზე საკმაოდ ნეგატიურად იმოქმედა! რამდენჯერმა მქონდა დეპრესია-პანიკის შემოტევები (გემახსოვრებათ ამ შინაარსის პოსტები), თუმცა, საბოლოოდ თავი ხელში ავიყვანე! ახლა მშვიდად ვარ და მჯერა, ყველაფერი კარგად იქნება!

არაფერი განსაკუთრებული სიახლე არ ყოფილა ამ წლის მანძილზე, თუ იმას არ ჩავთვლით, რომ მარტში ჩემი ძვირფასი და უსაყვარელისი ბლოგი მოევლინა ინტერნეტსამყაროს, კიარადა როგორცაა! არ შემიცვლია სამსახური, არ მქონია რამე მნიშვნელოვანი წარმატება, არაფერი შეცვლილა პირად ცხოვრებაში! მოკლედ, სტაბილური ერთფეროვნება და ჯანმრთელობის პრობლემები, სულ ეს იყო 2009 წლის მახასიათებლები ჩემთვის, პლუს, რამდენიმე კარგი ადამიანის გარდაცვალება, რომლებმაც ძალიან დამწყვიტეს გული! არა, საუკეთესო წელი ნამდვილად არ ყოფილა და გასახსენებელიც ბევრი არაფერი მაქვს!

ისე კი, ამდენი ნეგატივის მიუხედავად, არაფერს ვნანობ (აქ მხოლოდ იმას ვგულისხმობ, რაც უშუალოდ ჩემს თავს ხდებოდა)! შეიძლებოდა უარესიც ყოფილიყო! ყველაფერი რაც არ გვკლავს, გვაძლიერებს, ხომ მართალია?! ხოდა, მეც ვთვლი, რომ ბევრად უფრო ძლიერი და მებრძოლი ვარ, ვიდრე მანამდე!

რას ველი მომავალი წლისაგან? ძნელი სათქმელია! ალბათ, ყველა იმას ვიღებთ, ასე თუ ისე, რის მიღებასაც ვცდილობთ და რა თქმა უნდა, სიურპრიზებიც გვხდება ზოგჯერ. მე რისი მიღება მინდა? სიმართლე გითხართ, ამ წუთას ცოტა დაბნეული ვარ და კარგად არ ვიცი! არ გადამიწყვეტია, რა გზას მინდა რომ დავადგე! რამდენიმე არჩევანი მაქვს გასაკეთებელი. შესაძლოა ცოტა გარისკვაც მომიწიოს. მოკლედ, ჯერ არ ვიცი! რაღაც დოზით, საკუთარი თავის ძიებაში ვარ, მაგრამ დარწმუნებული ვარ, ეს დიდხანს არ გაგრძელდება! ყველაფერში გავერკვევი და სწორ გადაწყვეტილებას მივიღებ, ჩემი გადმოსახედიდან სწორს, ყოველ შემთხვევაში!.. ალბათ!

სულ ეს იყო რისი თქმც მინდოდა. ყველას წინასწარ გილოცავთ დამდეგ ახალ წელს! კეთილი სურვილების დიდოსტატი არასოდეს ვყოფილვარ, ამიტომ, იმას გისურვებთ, რაც ყველაზე გონივრულად მიმაჩნია: რაც თქვენ გინდათ, ყველაფერი აგსრულებოდეთ! მე კი წავედი,რამდენიმე დღე დავისვენებ და, ეგებ, რამე პრაზრენიეც მომევლინოს ამ პერიოდში! თქვენ პირველები გაიგებთ!

Advertisements

6 responses to “End of the year!

  1. sophya ამბობს:

    gilocav damdeg axal cels da 2010 celi carmatebuli celi yofiliyos shentvis 🙂

  2. Giga ამბობს:

    ნუ ხარ მოწყენილი! All you need is love! ყველაფერი კარგად იქნება! მთავარია, შენ გინდოდეს, ასე რომ იყოს. საუკეთესოს გისურვებ 2010-ში.

  3. unaamarga ამბობს:

    ორივეს დიდი მადლობა მოლოცვისათვის! მეც ყველაფერ საუკეთესოს გისურვებთ!:)
    @Giga, აღარ ვარ მოწყენილი, ჩაფიქრებული შეიძლება, მაგრამ მოწყენილი აღარ!

  4. Lalena ამბობს:

    gilocav kars momdgar axal wels, ukeTes wels gisurveb 🙂

  5. pelagiaa ამბობს:

    პირველ რიგში ვიდეო ძალიან მომეწონა!!!!!!!!!! ზეორიგნალურ!

    უიჰჰ მთლად კარგ წელი არ გქონია :S

    მაგრამ მთავარია გააგრძელე ჯანმრთელობის აღდგენა

    გაიხარე
    გისურვებ ჯან–მრთელობას!!!!!

კომენტარის დატოვება

Fill in your details below or click an icon to log in:

WordPress.com Logo

You are commenting using your WordPress.com account. Log Out / შეცვლა )

Twitter picture

You are commenting using your Twitter account. Log Out / შეცვლა )

Facebook photo

You are commenting using your Facebook account. Log Out / შეცვლა )

Google+ photo

You are commenting using your Google+ account. Log Out / შეცვლა )

Connecting to %s

%d bloggers like this: