მწარეს ბლოგი

chez moi

Kiss Me Good-bye, I’m Defying Gravity!

on სექტემბერი 23, 2010

მწარეს პოსტვა აღარ უნდა! აი, ამ მარტივ ჭეშმარიტებამდე მივედი ამ დღეებში! აღარ მომიწევს გული აქ. მარტო ბლოგზე კი არა, საერთოდ ინტერნეტსამყაროში. სამსახურიდან დაბრუნებული კომპიუტერს თითქმის აღარ ვრთავ. რაღაცნაირად მეორე ხარისხოვანი გახდა, ვინ რას ტვიტავს ან აშეარებს ფეისბუქზე! შედეგად, უფრო მეტი მძინავს, დასვენებული ვარ და მეტს ვურთიერთობ რეალურ ადამიანებთან. პოსტვის შეწყვეტის პარალელურად, დღიურის წერა განვაახლე. ყოველ საღამოს ვწერ განვლილი დღის შესახებ, აბსოლუტურად გულახდილად და შეულამაზებლად, რაც ანალიზის მეტ საშუალებას მაძლევს. ბლოგზეც ყოველთვის გულახდილი ვიყავი, უბრალოდ, არის რაღაცეები, რასაც აქ არ გამოვფენ, მისი პირადი ხასიათის მიუხედავად!

არ იფიქროთ, რამე ცუდი ხდებოდეს, პირიქით, კარგად ვარ! მართლა კარგად!  როგორც იქნა, მე და მე მეგობრები გავხდით! დიდი ხანია, ასეთი სიმშვიდე და ჰარმონია არ მიგრძვნია (ნუ დღეს პმს-მა ამრია ცოტა, მაგრამ ეს არ ითვლება)! ამგვარი ცვლილებები ერთ დღეში არ ხდება, უკვე რამდენიმე თვეა აქეთკენ მოვდივარ, მაგრამ გასულ კვირას ყველაფერი საბოლოოდ დალაგდა თავის ადგილას! არასოდეს ვყოფილვარ ასეთი თავდაჯერებული და ძლიერი! ვგრძნობ, როგორ ვტოვებ წარსულში ბევრ პრობლემას და შიშს! მზად ვარ, ყოველგვარი წინააღმდეგობა დავძლიო და ვიბრძოლო, თუ დამჭირდა!

მოკლედ, სამომავლოდ ვაპირებ მთელი ძალისხმევა  და დრო ჩემი გეგმების განხორციელებისაკენ მივმართო, რომლებიც როგორც პირადულ საკითხებს, ისე პროფესიულს მოიცავს! ბლოგს რაც შეეხება, I just don’t belong here! ყოველ შემთხვევაში ახლა ასე მეჩვენება! ბოლო პერიოდში მოვალეობის მოხდის გამოღა ვწერდი, რაც არასწორია! არ მინდა, აქაურობა ნაძალადევი პოსტებით გადავავსო! არ იმსახურებს ეს ბლოგი სიყალბეს! საამისოდ მეტისმეტად მიყვარს! სათქმელი კი, ამ ეტაპზე, აღარ დამრჩა, მგონი! აღარც სხვის ნაწერებს ვკითხულობ დიდად, მხოლოდ რამდენიმე საყვარელ ბლოგს, რომლებსაც სანამ თვითონ დავიწყებდი წერას, მანადეც ვსტუმრობდი! მოკლედ, მგონია, რომ მეყოფა!

ეს არაა საზეიმო გამომშვიდობება! ოფიციალურად არსად მივდივარ, არც ბლოგს წავშლი! იყოს, ვის რას უშლის! თუ ისევ ამექავა ხელები საწერად, დავბრუნდები, თუ არა, რას ვიზამთ, ბევრი კარგი ბლოგია ინტერნეტსივრცეში! არც იმას გამოვრიცხავ, სხვა, განსხვავებული შინაარსის ბლოგი გავაკეთო, რომლებიც სრულებით არაპირადულ საკითხებს დაეთმობა ან ისევ ამას შევუცვალო პროფილი! ერთი სიტყვით, For a while და ვნახოთ, მომავალში რა იქნება! ეს კი სიმღერა, რომელიც სრულად შეეფერება ჩემს განწყობას! სორი, უკეთესი ვიდეო ვერ ვიპოვე!

Advertisements

7 responses to “Kiss Me Good-bye, I’m Defying Gravity!

  1. Shota Khinchagashvili ამბობს:

    ვაჰ, ინტერენტ-დამოკიდებულების გარეშე და თან ნამდვილ კალამსაც დაბრუნებიხარ 🙂 მოსალოცი ამბავია

  2. ჩორვენი ამბობს:

    wow
    Good Luck.
    Tumca iqneb shigadashig mainc shemoiaro da shemajamebeli da mamotvirebeli postebi dacero : )

  3. daliela ამბობს:

    ოო ეგეთი პერიოდები თუ არ გაქვს მაშინ ავადმყოფი უნდა იყო 🙂
    ეტა წებე ნადა! :* რახან ასე გადაწყვიტე

  4. undone ამბობს:

    ვაჰ რა ერთნაირ სულიერ პროცესებში ვართ ;))
    ჰო, რელობა და რეალობა! მერე ამის დრო მოვა ისევ, :)))

  5. Sophie SUNNY Golden ამბობს:

    სრულიად მესმის შენი. დაისვენე კარგად. არაფერი საინტერესო არ ხდება ინტერნეტსამყაროში, რეალური ყოველთვის ბევრად ჯობია. ბოლოს ყველა ასეთ დასკვნამდე მივა და კომპიუტერებსაც რამე ახალი შეცვლის ცოტა ხანში 🙂

    Good luck and have a good day!!! 🙂

კომენტარის დატოვება

Fill in your details below or click an icon to log in:

WordPress.com Logo

You are commenting using your WordPress.com account. Log Out / შეცვლა )

Twitter picture

You are commenting using your Twitter account. Log Out / შეცვლა )

Facebook photo

You are commenting using your Facebook account. Log Out / შეცვლა )

Google+ photo

You are commenting using your Google+ account. Log Out / შეცვლა )

Connecting to %s

%d bloggers like this: