მწარეს ბლოგი

chez moi

ახალი წელი და მეორე გარდატეხის ასაკი

on იანვარი 8, 2012

ესეც 2012 წლის პირველი პოსტი! მშვიდად ჩაიარა ახალმა წელმა ჩემთან, ყოველგვარი ზედმეტი ფანფარების და დუდუკების გარეშე! საერთოდ, ბოლო რამდენიმე წელია, აღარ მაქვს ახალი წლის მიმართ ის განცდა და მოლოდინი. წელს, მითუმეტეს, არანაირი განსაკუთრებული ემოციები არ მქონია და კიდევ ერთხელ, მთელი სიცხადით შევიგრძენი, რომ ამ დღესასწაულით კალენდარი იცვლება მხოლოდ! No more magic! ერთადერთი, რაც ისევ ძველებურად მიყვარს, საახალწლო ნაძვის ხის მორთვაა! საჩუქრების მიღებას და მეგობრების შეხვედრას რაც შეეხება, ვითომ მაგას რამე დღესასწაული სჭირდება? 😉 თუმცა, არც საჩუქრები მიმიღია წელს, გარდა იმისა, რაც თავად ვაჩუქე ჩემს თავს.

1 იანვარს ლილუსთან შევიკრიბეთ. ცოტა დავლიე, უფრო ცოტა ვილაპარაკე, ახლა რომ მახსენდება! 🙂 მოვლენის ამსახველი ფოტოები, რა თქმა უნდა, ფეისბუკზეა განთავსებული. დღეს კი, ჩემთან იყვნენ გოგოები გამოსულები. მერე რუსთაველზე გავისეირნეთ, წიპა სურათები გადავიღეთ. ისინი მეტროთი წავიდნენ და მე ფეხით წამოვბოდიალდი. გზაში სურათებს ვიღებდი. ყველაფერს გადავუღე, განათებულ შენობებსაც, “ლუსტრებსაც”, ავტობუსებსაც კი. რომ გითხრათ, ეს ყველაფერი ძალიან მელამაზებოდა-თქო, ტყუილი იქნება! ამ ყვითელ “ლუსტრებზე” საერთოდ ვივარაჩივაეტ, მაგრამ უფრო იმიტომ ვიღებდი, გამვლელების იდიოტური რექციების დაკიდება რომ  მესწავლა. რატომღაც, მარტო მობოდიალე, ფოტოაპარატიანი გოგო ისევ დიდი სანახაობაა თბილისში! მე კი, სერიოზულად მძაბავს ხოლმე უცხო ხალხის ყურადღება. თუმცა, ამისგანაც ვთავისუფლდები ნელ-ნელა. ფოტოებს არ დავდებ, ისედაც ყელში გაქვთ ამოსული  ეს საახალწლო განათებები.

ერთ რამეს ვხვდები: ვიზრდები! გარდატეხის ასაკი რამდენიმეჯერ აქვს ადამიანს, ვინც რა უნდა ის თქვას! პირველმა დამიგვიანა, სადღაც 19-20 წლის მიჯნაზე დამიდგა და მეორე – წელს, კიარადა უკვე შარშან! ვერ ვიტყვი, რომ უკვე ყველაფერი გავაკრვიე და დავალაგე საკუთარ ცხოვრებაში-მეთქი, მაგრამ აღარ ვშფოთავ! აღარც არანორმალურად მარტოსულად ვგრძნობ თავს! ყველაფერს ერთი პასუხი ჰქონდა, საბოლოოდ!

ერთადერთი, რაც აუცილებლად მჭირდება, საკუთარი თავი მაგიდასთან დავსვა და ხმამაღლა ვკითხო: “ხათუნა, რა გინდა ამ ცხოვრებაში?!” ოღონდ არა რიტორიკულად, არამედ, ზუსტი პასუხი უნდა მივიღო! მერე ყველაფერი გაადვილდება და მეცოდინება რა გავაკეთო!

საბოლოოდ კი, აჰა თქვენ, არა “ლუსტრები”, არამედ ლამპიონები!

Advertisements

2 responses to “ახალი წელი და მეორე გარდატეხის ასაკი

  1. Sophie SUNNY Golden ამბობს:

    ზამთარში როგორ იცის ხოლმე ასეთი რიტორიკული კითხვების მომძლავრება 😐

    • unaamarga ამბობს:

      ზამთრის ბრალი არ უნდა იყოს, უბრალოდ დიდი ხანია ისეთი გრძნობა მაქვს, რომ ბევრი ზედმეტი პასუხისმგებლობა ავიღე და არ ვიცი, მჭირდება კია, ეს ყველაფერი!

კომენტარის დატოვება

Fill in your details below or click an icon to log in:

WordPress.com Logo

You are commenting using your WordPress.com account. Log Out / შეცვლა )

Twitter picture

You are commenting using your Twitter account. Log Out / შეცვლა )

Facebook photo

You are commenting using your Facebook account. Log Out / შეცვლა )

Google+ photo

You are commenting using your Google+ account. Log Out / შეცვლა )

Connecting to %s

%d bloggers like this: